யாழ். மாநகர சபைப்பகுதியில் குடியிருக்கும் குடியிருப்பாளர்கள் தங்களது வீடுகளில் சேகரிக்கப்படும் திண்மக்கழிவுகளை வீதியில் வீசாது யாழ் மாநகர சபையின் பிரட்டு மையங்களில் தினமும் காலை 6.00 மணி தொடக்கம் இரவு 10.00 மணி வரையில் தரம்பிரித்து வழங்க முடியும்

கீழே தரப்பட்டுள்ள இணைப்புக்களை பயன்படுத்தி எமது பிரட்டு மையங்கள் அமைந்துள்ள அமைவிடங்களை அறிந்து கொள்ள முடியும். நல்லூர் பிரட்டு மையம் சங்கிலியன் வீதி https://maps.app.goo.gl/Rrv3n3DmsooHCp9a8?g_st=awb அரியாலை பிரட்டு மையம் கனகரட்ணம் சந்தி https://maps.app.goo.gl/FG9Cs83uCRCofxem7?g_st=awb கொழும்புத்துறை பிரட்டு மையம் சுவாமியார் வீதி https://maps.app.goo.gl/eHdyVRkrjyhv8n9LA?g_st=awb பாசையூர் பிரட்டு மையம் கடற்கரை வீதி https://maps.app.goo.gl/G8VJJMPiktmboRvo7?g_st=awb குருநகர் 1 -மவுன்கார்மெல் வீதி பிரதான தண்ணீர் தாங்கியடி https://maps.app.goo.gl/Zfh7zqSwwzDRYfCv6?g_st=awb குருநகர் 2 -3ம் குறுக்குத்தெரு தண்ணீர் தாங்கியடி https://maps.app.goo.gl/6uJg4HNTZnFR9CZy6?g_st=awb பசார் பிரட்டு மையம் கஸ்தூரியார் வீதி கன்னாதிட்டி சந்தி https://maps.app.goo.gl/dqr2A4ipdwSYP7of6?g_st=awb வண்ணார் பண்ணை பிரட்டு மையம் தட்டாதெரு சந்தி https://maps.app.goo.gl/NhxE5eprTv2ceFtS9?g_st=awb நாவாந்துறை பிரட்டு மையம் நாவாந்துறை சந்தை https://maps.app.goo.gl/WzEfwYzTcczcyPrc6?g_st=awb காக்கைதீவு மீள்சுழற்சி மையம் https://maps.app.goo.gl/xRd3Act2DvmF9mpdA

“ யாழ். நகரை தூய்மையாக்க அனைவரும் கைகோர்ப்போம் ”

யாழ். மாநகர சபை யாழ்ப்பாணம்

யாழ்ப்பாணம் மாநகர சபை எல்லைக்குள் அமைந்துள்ள சகல ஆதனங்களையும் மீள் மதிப்பீடு செய்யும் நடவடிக்கை 12.11.2025ம் திகதி முதல் அரசாங்க மதிப்பீட்டுத் திணைக்களத்தினால் மேற்கொள்ளப்பட்டு வருகின்றது.

எமது சபையுடன் இணைந்து USAID நிறுவனம் 2021ம் ஆண்டு ஒக்டோபர் மாதம் தொடக்கம் 'தூய்மையான நகரங்கள் , நீலவர்ணக் கடல் திட்டம் கூட்டிணைவுடன் நடைமுறைப்படுத்தப்படுகின்ற திட்டம்" 2024ம் ஆண்டு பெப்ரவரி மாதம் நிறைவுபெறுவதால் இத்திட்டத்தில் அர்ப்பணிப்புடன் பணியாற்றிய ஆணையாளர் , பிரதம பொறியியலாளர், மாநகர சுகாதார பொறியியற் பிரிவின் பொறுப்பதிகாரி, மேற்பார்வையாளர்கள், திட்டத்துடன் தொடர்புபட்ட மாநகரசபையின் ஏனைய ஆளணியினரையும் கௌரவிக்கும் நிகழ்வினை USAID நிறுவனம் ஏற்பாடு செய்திருந்தமை குறிப்பிடத்தக்கது  

யாழ்ப்பாண மாநகரசபையின் 17வது ஆணையாளராக திரு.ச.கிருஷ்னேந்திரன் அவர்கள் 09.02.2024ம் திகதி சுபநேரத்தில் பதவியேற்றுக் கொண்டார்.புதிய ஆணையாளரை மாநகரசபையின் பிரதி ஆணையாளர் திரு.வே.ஆயகுலன் அவர்களின் தலைமையில் உத்தியோகத்தர்குழாத்தினர் வரவேற்றனர். இலங்கை நிர்வாக சேவையில் தரம் -I பதவியில் உள்ள திரு.ச.கிருஷ்னேந்திரன் அவர்கள் அனுபவம் வாய்ந்த நிர்வாக அதிகாரி என்பது குறிப்பிடத்தக்கது.        

பிரித்தானியாவுக்கும் இலங்கைக்கும் இடையிலான 75 வருட இராஜதந்திர உறவுகளை முன்னிட்டு மூன்று நாள் விஜயமாக எமது நாட்டுக்கு வருகை தந்த பிரித்தானியா இளவரசி அவர்கள் யாழ்ப்பாணத்திற்கு விஜயம் செய்து பொதுநூலகத்தை பார்வையிட்டார்.இச்சந்திப்பின்போது ஆணையாளரினால் இளவரசி அவர்களுக்கு நினைவுப்பரிசும் வழங்கப்பட்டது  

மாநகரசபையின் அலுவலகக்கடமைகளை ஆரம்பிக்கும் நிகழ்வு மாநகர ஆணையாளர் இ.த.ஜெயசீலன் அவர்கள் தலைமையில் 01.01.2024ம் திகதி மாநகரசபையின் வாளகத்தில் காலை 9.00 மணிக்கு இடம்பெற்றது.மாநகரசபையின் அனைத்து உத்தியோகத்தர்களும் கலந்து கடமைச்சபதம் எடுத்துக் கொண்டனர்.

யாழ் மாநகர சபையின் 31வது நல்லைக்குமரன் புத்தக வெளியீடானது 25.08.2023ஆம் திகதியன்று காலை 09.00மணிக்கு நடைபெற்றது.இந்நிகழ்வில் பிரதம விருந்தினராக ஜனாதிபதியின் மேலதிக செயலாளர் திரு.இ.இளங்கோவன் அவர்கள் கலந்து சிறப்பித்தார்.யாழ் மாநகரசபையின் சைவசமய விவகாரக்குழுவினரால் நல்லைக்குமரன் மலரானது இனிதே வெளியிடப்பட்டது.

யாழ் மாநகரசபையின் ஏற்பாட்டில் முத்தமிழ் விழா 29.07.2023 ஆம் திகதி நல்லூர் ஸ்ரீ துர்க்காதேவி மணிமண்டபத்தில் ஆணையாளர் இ.த.ஜெயசீலன் தலைமையில் சிறப்பாக நடைபெற்றது. விழாவில் வடமாகாண ஆளுநர் திருமதி.பி.எஸ்.எம்.சார்ள்ஸ் பிரதம விருந்தினராக கலந்து கொண்டார். இயல், இசை, நாடகத்துறையில் பெரும்பங்காற்றிய கலாபூஷணம் கோகிலா மகேந்திரன், கலாபூஷணம் எம்.பி.பாலகிருஞ்ணன், கலாகீர்த்தி சாந்தினி சிவநேசன் ஆகியோர் யாழ் மாநகரசபையின் உயரிய விருதான அரசகேசரி விருது வழங்கி கௌரவிக்கப்பட்டனர். இயல், இசை, நாடக அரங்குகளாக நிகழ்ந்த நிகழ்வுகளில் ஈழநல்லூர் நாதஸ்வர இளவரசன் பிச்சையப்பா ரஜீந்திரன் குழுவினரின் நாதஸ்வரக் கச்சேரியும், இசை நாட்டிய நாடக அரங்கில் ஏழிசை மிருந்தங்க நர்த்தனாலயத்தின் வெந்து தணிந்தது காடு எனும் நாட்டிய நாடகமும், இயல் அரங்கில் எம் மண்ணில் இன்றைய சூழலில் உயர்கல்வியும், மனிதநேயம், கலாசார பண்பாடுகளும் எனும் தலைப்பில் தெல்லிப்பழை ஸ்ரீ துர்க்காதேவி தேவஸ்தானத்தின் தலைவரான செஞ்சொற்செல்வர் கலாநிதி ஆறு.திருமுருகனை நடுவராகக் கொண்ட பட்டிமன்றமும் நடைபெற்றது.